عزيزي الصاحي اذا كنت تعاني من أرق لأي سبب و حاقد على واحد نايم او اذا طق فيوز النذاله فجأه عندك أو عرق الرذالة بيوجعك وقدامك واحد نايم كأي بطيخة تحترم نفسها ماعليك الا ان تتبع الخطوات التاليه وصدقني ممكن يقتلك فيها
1) اذا كان في عز نومه وانت مانمتش أو مش جايلك نوم ادخل الغرفه وشغل النور
واطلع بمنتهي البرود كأنك معملتش حاجة
إذا كان نومه خفيف هيصحي ويقولك ( إطفي النور يا حيوان ) طبعا إحنا إتفقنا إنك بارد لذلك لا تعره أي إهتمام و تذكر القانون الأول لنيوتن في التنفيض :" لكل فعل له تنفيضة مساوية له في المقدار و مضادة له في الإتجاة " .
2 )أما لو كان نومه تقيل يبقىا تستعمل الطريقة دي إكتشف إن في بيتكم سرير وعايز تتأكد إن كل حاجه تمام و إن السرير رجليه مظبوطة طبعا دا السرير إللي أخينا نايم عليه ويمكنك ساعتها القيام بالكثير من التخبيط و الدق وتحريك السرير بس خلي بالك ممكن يصحا من النوم فيجدك تحت السرير او رأسك في متناول يده فـ محدش يعرف ساعتها ايه اللي ممكن يحصل ساعتها
لو كان من هواة النوم وبجوارهم مفتاح إنجليزي .. لذلك أنصحك أن تهز السرير هزات عنيفة حتي يستيقظ وقبل أن
يفيق تماما أركض بأقصي سرعة خليك ناصح
3) اذا كنت مقهــــــــور من واحد نايم العصر او الظهر أدخل الغرفه وغطيه كويس و إقفل المكيف واطلع ومتنساش تقفل كل الابواب والشبابيكواذا كانت في دفايه بالغرفه , ياعيني شغلها بقىا علي أسخن حاجة وسيبه
واطلع بره كأنك لا تعرف حاجة .
لسه ما قامش ؟؟ إوعىا تيأس
4) لو كان لسه ماقامش !!! ماتعملش حاجة من اللي سبق ذكره إنما بهدوء حط ايدك على الراديو وشغل محطه خربانه
و يا حبذا لو كانت بتاعت أغاني هابطة من نوعية ( حبيبي فوق حبيبي تحت حبيبي رايح حبيبي جاي ) وعلي الصوووت على الآخر و امشي إنت كمل مسيرتك مع التليفزيون .
5) اذا كان لسه نايم وانت شبعاان نوم بس عايز تتونس: جيب ميه باارد وقرب من النايم وقطر على جبهته قطره قطرة هايترعش ويمسح جبهته فاكرها نمله ولا حاجة واقعد كده لحد ما يصحي أو يقوم يرزعك قلم محترم علي وشك ويكمل نوم
6 ) خد منديل ولفه لحد ما يبقي على شكل العود.. الغرض ان يكون نهاية طرفه حاد .. وبس يا معلم .. أخينا رأسه أصبحت ملعبا وأنت الهداف
ممكن تحطها في ودنه ( الحركة دي مستفزة جدا )
ممكن تحطها في فمه
ممكن تحطها في أنفه بس مش لجوة أوي يعني
لو صحي يبقي إحتمال إنه يفرجك علي عنبر الكسور في أي مستشفي قريب من بيتكم
واذا مانجحتش كافه الطرق اللي فوق.. تأكد انه مش آدمي . . خليه نايم واطلع بدل ما يجيلك شلل نصفي
الخميس يونيو 25, 2009 2:36 pm
