لي اصدقاء ...سكرانين .. مهلوسين ...وقت الشدة فازعين

:: الــسسـلآآم عــلـيـكــم ورـرحــمـة الـلـه وبـرـركــآتــهـ ::

يسعد صباحــكــن / مسـآكــن

بحيي اللي عميقرا الموضوع مين ما كـآآن ..عضو مسجل او زائر ...

:: لــي أصــدقــآء ... سكرانين بدون مشروب ....مهلوسين بدون حبوب ........ولكن وقت الشدة ..فزعة بدون هرووب::

كلنا منتمنا هيكـ صحاب ... يكون طول الوقت مزح وضحك وفرح وهبل ... بس وقت ما تزعل بدل المواساة عشرة و بيزعل اكتر منكـ من غير ما يعرف السبب بس عشان زعلكـ

وقت ما تبكي اول واحد بيمسح دمعتكـ

وقت ما تكون بعسر او شدة ...يكون بضهركـ ويسندكـ

وقت ما يعطيكـ كلمة يوفي فيها

وقت ما تحتاج صاحب تفكر دغري فيهـ

يفهمكـ وتفهمو من بين الف واحد

ويقرا افكاركـ احيانا

ويرشدكـ للصح

ع فكرة صحيح انن نادرين

بس موجودين

انتـآ يـآ قـآرئي ...الله رزقكـ بهدول الناس؟؟؟؟

طيب قبل ما اسأل عن صحابكـ خليني اسألكـ عن حالكـ ؟؟

انتا ؟؟ كيفك؟؟

كيف حياتكـ؟؟

شووو نمط عيشكـ؟؟

انتا واحد مبتسم دايما ؟؟ عندكـ ابتسامة عريضة بتشيل الهم من القلب وبتخلي المكشر لما يطلع بوجكـ يرتاح؟؟

ولا حضرتكـ من اللي قالبين الدنيا اكبر هم وطول الوقت ما في غير العبسة ع وجكـ ؟؟ والدمعة ع خدكـ؟؟

انـآ مـآ عمقول انوـو تضغط ع حالكـ عشان تخبي شعوركـ ...بسسس صـآحبكـ صـآحبكـ

رح يحس فيك من طريقة ضحكتكـ ...من نضرة بعينكـ

وصدقني لما يعرف انكـ رح تلاقي اول واحد نط ليخفف عنكـ ويساعدكـ

هيدا ازا كــآآن صـآحب......

يعني قبل ما اسألكـ مين اخترت ليكون صاحبكـ.!!!

اخترت مين تكون انتا ؟؟؟

دخلكـ انتا واحد من اللي بيدقرو ع كل تصرف؟؟ ولا من المتسامح واللي بيحط مكان العزر عشرة

ليك انا ما عمقول تكون اهبل وبينضحكـ عليكـ ....بسسسسس

يعني خليكـ متسامحـ ...بتعرفف

يعني وحدة من الاشياء الي بتخلي الشباب يتخانقو ...السب

بتعرررف ...ادي الكل اللي بيحترم الشب اللي الكل بيعرف انو قوي ...بس ازا نسب .طبعا بحدود المعقول بيسامح

ادي بيكبر بعيني ازا شب من الجنتلز يجي واحد معفن يسبو ما يرد عليهـ لانو ....ما بدو ينزل بانسانيتو لهالمستوى

ايام زمان كنا نتسلى بتحدي اسمو تحدي المصزق والسب

هلأ لو بيقطعو رقبتي ما بفوت في.......لانو عنجد بينزل من مستوى الواحد

عندكـ عقل لو بستغلو بتحكم بلاد.....بس ....!! تجي تنزلو لمستوى تحدي السب

دخلكـ ع سيرة العقل؟؟ انتا بتسخدم عقلك؟؟؟

قبل كل شي بتعملو بتقول انو .....يعني الدنيا متل الدولاب دوارة يوم الكـ ويوم عليكـ
وكما تدين تدان...او نقرة بنقرة ولو زدنا لزاد السقا ..يعني الامثال هيدي اللي بتخليكـ تعرف انو الا ما يجي يوم وتنقلب الامور عليكـ

شو انتا اعددت لهيداكـ الوقت .... اهم شي تكون محترم حالكـ ...لانكـ هيكـ رح تكسب احترام الناس لالكـ وبعديييييييين

من الاحترام رح يجي الصحبة ... ومن الصحبة رح تلاقي رفقة ...ومن هدول الرفقة رح تلاقي اصدقاء ....وقت الشدة فزعة بدووون هروووب

يعني قبل ما تدور ع الصاحب المثالي ..ركز تكون انتا صاحب صاحبكـ المثالي

صاحب صاحبكـ يا ريس ..الكل سمعان بالكلمة هيدي ..... بس عشان ..تختار صاحبكـ لازم تكون انتا صاحبو بالاول

صاحب حالكـ ... و احكم نفسكـ ...وسيطر ع اعصاابكـ

وبعدين دور بصحابكـ

لتلاقي الصاحب للي ازا اتطلعت بيعنو تفهو ويفهمكـ من نضرة

اللي ازا قلت كلمة بنص مية واحد ما يفهمكـ غيرو

اللي وقت الشدة بيوقف بضهركـ او احيانا بيحطكـ بضهروو

اللي ازا اجيت لتغلط بيرشدكـ

ازا عملت اللي عليك وزبطت نفسكـ

وبعدين دورت وعرفت تختار صاحبكـ

صدقني رح يجي اليوم اللي بتلاقي في صاحب ....

تصفية خاطر ...

» الفرق بين اصدقاء المرأة واصدقاء الرجل