الشباب لما بيجو يذاكرو....!!

الولد لما يجي يذاكر بيعمل إيه

أولا:
يدور علي الكتاب لأنه مضيعه ويحوس البيت كله عشان كتبه وأخرتها يلاقيه حاطه في الدولاب ولا الثلاجه، آه عادي والله ما بتفرق وأحيانا تحت السرير "حد يحط كتاب تحت السرير؟!"

ثانيا:
بعد ما يلاقى الكتاب ويفتحه عايز يذاكر بقى يلاقى مكتوب مع تحيات كعموش وحنكوش صحابه ،الواد يقعد يفتكر العيال دي كتبت الحاجات دي امتى ويقعد يعيش مع الذكريات ..

ثالثا:
يلاقى موضوع محطش فيه قلم أو كان غايب أو من الاخر قلب الحصة بتاعته يقول أنا هروح انقل من العيال وأول ما يروح لأصحابه ماتيجي ياد ننزل نتمشى شوية وفكك من الخنقة دي أهم حاجة المزاج العنب وطبعا انتم عارفين معاكسات للبنات وضحك وأحيانا يضربوا زغروف صغيور ويرجع البيت على وش الفجر كنت فين يا حبيبي كنت بذاكر يا بابا ..

رابعا:
تجيله أمه يا ابني أنت ماكلتش حاجه من الصبح روح كل أنت خاسس
الولد أنا ماليش نفس يا أمي خليني أذاكر
وشوية ماما ممكن طلب عايز اروح اشتري عشا من المطعم.... حركات قديمه

خامسا:
يقول أنا هذاكر وهو سهران على الماسنجر او التلفزيون
والكتاب مفتوح على المقدمه (الفهرس)

سادسا:
قبل مايروح الامتحان ماما انا تعبان بطني وجعاني وراسي.... بيمهد للصدمة عشان لما يعك يبقى الواد عمل اللى عليه... أو تيجي من عند ربنا وتقوله خلاص اجل المادة دي يا توتو..

وأخرتها الواد يطلع فاشل
عرفتوا ليه البنات بتطلع أوائل??????